Tuesday, 15 January 2008

മയോണൈസ് ഉണ്ടാക്കാന്‍ എന്തെളുപ്പം...

ആവശ്യമുള്ള സാധനങ്ങള്‍

മുട്ട - 2
എണ്ണ - ആവശ്യത്തിന്
ചെറുനാരങ്ങ - 1
ഉപ്പ് - ആവശ്യത്തിന്

ഉണ്ടാക്കുന്നവിധം

മുട്ട തല്ലിപ്പൊട്ടിച്ച് മഞ്ഞക്കരുമാത്രം തിരിച്ചെടുക്കുക, ഒരുനുള്ള് ഉപ്പും ചെറുനാരങ്ങനീരും ചേര്‍ത്ത് മിക്സിയില്‍ഇട്ട് കുറഞ്ഞവേഗത്തില്‍ അടിക്കുക...ഒരുപരുവമായ്കഴിഞ്ഞ് മിക്സി നിര്ത്താതെതന്നെ എണ്ണ നേര്‍ത്ത ധാരയായ് സാവധാനത്തില്‍ ഒഴിച്ചുകൊടുക്കുക.. ( എല്ലാചേരുവകകളും കൂടിക്കലര്‍ന്ന് കുഴമ്പുപരുവമാകുന്ന സമയത്ത് മിക്സി ഓഫ്ചയ്യാം. നമ്മളുണ്ടാക്കിയമിശ്രിതമാണ് മയോണൈസ് ഇത് ഒരു പാത്രത്തിലെടുത്ത് ഫ്രിഡ്ജില്‍ തണുക്കാന്‍ വയ്ക്കാം... പിന്നെ ആവശ്യമുണ്ടെങ്കില്‍ എടുത്ത് ഉപയോഗിക്കാം.


ബോണ്‍ അപ്പത്തീത്തോ

(ഇതു പറഞ്ഞുതരാന്‍ ഇത്തിരി പ്രയാസമാ... ഞാന്‍ പലപ്രാവശ്യം ഉണ്ടാക്കിനോക്കിയിട്ടാ അതിന്റെഒരു സെറ്റപ്പ് ക്ലിയറായ്മനസിലായത്...പ്രത്യേകിച്ചും എണ്ണമിക്സ്ചെയ്യുന്നത് )

-------------------------------
കുറുമാന്‍ പണ്ടെന്നോട് ലസാഞ്ഞ ഉണ്ടാക്കണതെങ്ങനെയെന്നു എഴുതാന്‍ പറഞ്ഞിരുന്നു...കാര്യമായിട്ടാണാ ആവോ?...കുറുമാന്‍ മറന്നാലും ഞാന്‍ മറക്കില്ലാ...
ആവനാഴിമാഷ് കാരറ്റും ഇറച്ചിയും ചേര്‍ത്ത് ലസാഞ്ഞ ഉണ്ടാക്കിയ കാര്യം പറഞ്ഞപ്പോള്‍ ബിഷമെല്ലയും (besciamella) റഗുവും (ragù) ഒക്കെ ചേര്ത്തൊരു അടിപൊളി ഇറ്റാലിയന്‍ ലസാഞ്ഞ ഉണ്ടാക്കണവിധം പറഞ്ഞുകൊടുക്കാന്നുപറഞ്ഞിട്ട് മാസം അഞ്ചാറായ്....
കുറച്ചുനാളുമുമ്പെ കണ്ടപ്പോഴും ചോദിച്ചിരുന്നു... ആ വിഷമുല്ല എങ്ങിനെയാ ഉണ്ടാക്കുന്നതെന്ന്..
അതിനാല്‍ ഇനി താമസിപ്പിക്കണില്ലാ. ഗവേഷണം ഏതാണ്ട് പൂര്‍ത്തിയായിരിക്കണു

അടുത്തപോസ്റ്റ്....

ലസാഞ്ഞ, (വിത് ബിഷമെല്ലാ ന്‍ റഗു......)

Friday, 11 January 2008

സ്പഗേത്തി ആല്യോ ഓല്യോ എ പെപ്പെറൊഞ്ചീനൊ..

(Spaghetti aglio, olio e peperoncino - Spaghetti garlic, oil and hot pepper)

എനിക്ക് ചോറുംകറിയുമല്ലാതെ മറ്റൊന്നും പിടിക്കില്ലാ എന്നുപറയുന്നമലയാളിക്ക് ഈ പാസ്ത ധൈര്യമായ്പരീക്ഷിച്ചുനോക്കാവുന്നതാണ്. ശരാശരി മലയാളിയുടെ ഭക്ഷണസങ്കല്പങ്ങളോട് ഈ പാസ്ത നീതിപുലര്‍ത്തും എന്നതില്‍ ഒട്ടും സംശയം വേണ്ട. മുളകു ചേര്‍ത്തുപാചകം ചെയ്യുന്ന ചുരുക്കം ഇറ്റാലിയന്‍ വിഭവങ്ങളിലൊന്നാണിത്... ഇത് ഉണ്ടാക്കാന്‍ വളരെ എളുപ്പമാണ് മറ്റ് പാസ്തകളെ അപേക്ഷിച്ച് ചെലവും വളരെകുറവ്... ഇറ്റലിക്കാര്‍ക്കിടയിലും ഈ പാസ്ത പ്രിയങ്കരംതന്നെ.


അന്‍സാരികള്‍:

300 ഗ്രാം പാസ്ത (സ്പഗേത്തി),
4 ഇതള്‍ വെളുത്തുള്ളി
2 വറ്റല്‍മുളക്
1/2 കപ്പ് ഒലിവെണ്ണ (എക്സ്ട്രാ വെര്‍ജിന്‍),
മല്ലിയില, പുതിനയില, ഉപ്പ് ആവശ്യത്തിന്,
4 ആളുകള്‍ (പാസ്തകഴിക്കാന്‍ തയ്യാറായിട്ടുള്ളവര്‍...)

തുടങ്ങാം...

തിളച്ചവെള്ളത്തില്‍ ഉപ്പുചേര്ത്തശേഷം പാസ്ത വേവിക്കാനിടുക....ഒരു തവയില്‍ എണ്ണഒഴിച്ച് ഇടത്തരം തീയില്‍ ചൂടാക്കി അതിലേക്ക് വറ്റല്‍മുളകും ചെറുതായ് ചതച്ച വെളുത്തുള്ളിഅല്ലികളും ചേര്‍ത്ത് ഇളക്കുക കരിഞ്ഞുപോകാതെസൂക്ഷിക്കണം... ഉടനെതന്നെ ചെറുതായി അരിഞ്ഞ മല്ലിയിലയും പുതിനയിലയും ചേര്‍ത്ത് തീകെടുത്തുക... പാസ്തയ്ക്കുള്ള സോസ് റെഡിയായ്ക്കഴിഞ്ഞു...പാസ്ത പാകത്തിനു വെന്തുകഴിയുമ്പോള്‍ വെള്ളം ഊറ്റിക്കളഞ്ഞതിനു ശേഷം തയ്യാറാക്കി വച്ചിരിക്കുന്ന സോസില്‍ മിക്സ് ചെയ്യുക.... ഉടനെ കഴിക്കുക.

ബോണ്‍ അപ്പത്തീത്തോ.
-------------------------------
ചില അഭിപ്രായങ്ങള്‍.
പാസ്ത് ഉണ്ടാക്കാന്‍ ചുവടുകട്ടിയുള്ള വലിയപാത്രത്തില്‍ കൂടുതല്‍ വെള്ളം തിളപ്പിക്കണം... നൂറുഗ്രാം പാസ്തയ്ക്ക് ഒരുലിറ്റര്‍ വെള്ളമെങ്കിലും വേണം.,

വെള്ളം തിളച്ചശേഷം മാത്രം ഉപ്പ് ഇടുക..ഉപ്പിട്ട്കഴിഞ്ഞാല്‍ അതെല്ലാം അലിയുംവരെ വെള്ളം തിളക്കാന്‍ അനുവദിക്കണം. അതിനു ശേഷം പാസ്ത ചേര്‍ക്കുക.

മൂടിവച്ച് പാസ്തവേവിക്കരുത്...
ഇടയ്ക്ക് ഇളക്കികൊടുക്കണം...
തീ കുറച്ചിടരുത്..

പാസ്തയുടെ വേവ് കൃത്യമായിരിക്കണം...ഒരിക്കലും കൂടുതല്‍ വേവിക്കരുത് ....

പാകത്തിനുവെന്ത പാസ്ത വെള്ളമൂറ്റിക്കളഞ്ഞ് സോസുമായ് മിക്സ്ചെയ്ത് ഉടനെകഴിക്കുക... തണുത്തത് കഴിക്കുമ്പോഴും വീണ്ടുംചൂടാക്കികഴിക്കുമ്പോഴും ഒന്നോര്‍ക്കുക...നിങ്ങള്‍കഴിക്കുന്നത് പാസ്തയുടെ നിഴലാണ് പാസ്തയല്ലാ.

(തണുപ്പിച്ചുകഴിക്കുന്ന ചുരുക്കം ചില പാസ്തകളുണ്ട്...അത് പിന്നാലെ പറയാം)

Thursday, 10 January 2008

ഗോര്‍ഗന്‍സോള



(ഒരു പെണ്‍കുട്ടി ലിപ്സ്റ്റിക്പോകാതെ സ്പഗേത്തികഴിക്കാന്‍ ശ്രമിക്കുന്നു.... ചിത്രം നെറ്റില്‍നിന്നും)




ഗോര്‍ഗന്‍സോള


പുതിയ ഒരു ബ്ലോഗ് ആരംഭിക്കാമെന്നുവച്ചു...
ഒരു ഇറ്റാലിയന്‍ ഭക്ഷണബ്ലോഗ്....

ഇറ്റലിയെപ്പറ്റിപറയുമ്പോള്‍ ഏറ്റവുംകൂടുതല്‍ പറയാനുള്ളത് അതിന്റെ ഭക്ഷണ വൈവിദ്യങ്ങളാണ്. ഇറ്റാലിയന്‍ ഭക്ഷണത്തെപറ്റി പറയുമ്പോള്‍ ഏറ്റവും കൂടുതല്‍ പറയാനുള്ളത് പാസ്തയെപറ്റിയും....

ഒരു നൂറ്റൊന്നുകൂട്ടം പാസ്ത ആദ്യം അവതരിപ്പിക്കാനാണു ശ്രമം...
ആദ്യംതന്നെ 'സ്പഗേത്തിയില്‍' ആരംഭിക്കാം...
പാസ്തയിലെ സൂപ്പര്സ്റ്റാര്‍ സ്പഗേത്തിയല്ലാതെ മറ്റാരാ?....